Pavollions oder Manschaftszelt?

Des is definitiv kagge! Hab de Link fürs Forum jetzt echt schun in de Weltgeschicht rumgeschickt aber die meischde leid sin halt äfach desinteressiert oder zu faul um sich ohzumelde. Aber zum Schluss werd widda rumgeheilt. Nun ja... ich versuchs weida.

Guenhwyvar schrieb:

irgendwie scheint do sowieso könner so werklich luschd uff plane se hann...

Ich sah mol die missde jo net mo Plane.
Des übernemm ich jo schun awa wännischdens mit abstimme odda ohmelde wär schun mo e großer schritt. es sin gead mo 24 leit ohgemeld.

70 Ware ma ledschd joar.

un nur 11 honn abgestimmt

is eigentlich e schwachi leischdung

ich glab eher das die schlechdschd leischdung e forum iss wo nimmande kennd wenn des net im wkw gelinkt heddschd wisst ichs ah net das ma sowas hann. un wenn ich zu jemannde sahn es gebbt e forum wäs des eigentlich faschd nimmand.
uff de anner seit muss ich sahn dasses erschd märz iss. un bei dem wedda eh kä wackenfeeling uffkommt geschweige denn werklich an campe grille musik un saufe denkt.

also zuersch will ich mol sa dass des forum echt mol e sau gudi idee war, is echt nützlich. awwa ich konn a de steffen verstehe der sat:

Zitat :

uff de anner seit muss ich sahn dasses erschd märz iss

kenner hat werklich bock 4/5 monate vorher schun do morz die planung uffzustelle. es is klar dass ma sowas im voraus plane muss (jetzt mol nur uff des zelt bezoh) awwa wonn leit halt noch net genau wisse obse iwwahaupt mitfahrn isses jo klar dasse net e haufe geld do druff schmeisse wolle fa om schluss nix defu zu hon, außerdem konn immer was dezwische komme un ich denk känna vun uns det donn sae: ich fahr net mit ich will moi geld widda ! Was ich allerdings a schade fin is dass sich so wennich leit ogemeld hon, do kennt echt merh beteiligung komme. Die leit die des zelt wolle beteiliche sich jo a dodro un donn muss ma de onre leit des net uffzwinge, finn ich, wonn die sich net beteiliche wolle ses net. ferdich. so sieh ich des, also sollt ma vielleicht net e riese zelt kaafe fa was wäs ich wie viel leit sondern äns fa "uns". hert sich jetzt zwar e bissl scheisse o awwa ich denk/hoff ihr wisse was ich männ.

Ma sollt vielleicht a äfach mol noch e bissl warde... es is jo noch e bissl zeit

Jo ok dann kafe ma e klennres zelt ver uns un dann wollen awwa alle nei. Un dann sah du mol ei ihr kummen do nit rei weil des uns is dann gäbts krach wäsch wobei egtl. misst mas echt so mache also liewer ens ver die wo sich ach drum kümmern als garnkenns weil a großes zelt is äfach schweinedeier.

des komma gonz efach löse. "unser leit" fahrn faschd all schun freidas hie, des häst mir sin höchstwarscheinlich widda uff campingplatz c un es letschte mol homma wie weit abgesteckt fa 1k leit. des kennt ma efach nimmi mache, bzw. nur fa die entsprechende leit. Do homma awwa widda es problem fa wenne alles, des will glab känna entscheide... mit recht.
Ich bin mit sicherheit de ledschde wo irgendwelche leit ausgrenze will odda schunschdwas, im gejedäl, ich finns subba womma e haufe leit sin, awwa uff de onnerseit hab ich a kä bock im nasse zu hocke odda e haufe geld fa leit zu bezahle die sich e scheissdreck defor intressiere.

mir fallt do spontan noch in de diescho hat gemennt gehat er kennt 2 amizelde organisiere allerdings missde mir uns um de transport kümmre. war e weil her wäs net wie aktuell des iss.
un es asbzelt würde ma grien soviel ich wäs. halt net durch de helwa der wohl net mitfahrt aus diverse gründe. de kölsch max fahrt jo mit denk ich un der hat ah gemennt gehat wenns net so vermüllt werd wies ledschde mol würdas besorge

Hab gedenkt de Kölsch Max hat kä Kart.

Vor genau dem Probläm stande mer letschjohr ah. Dummerweis hats donn aufgrund fun de schlechte Qualität fun de Pavillions un de nahezu apokalyptische Wetterbedingunge net so geklappt wie mer uns des vorgestellt hon. No hat halt jeder irschendwo soi eischnes Ding gemach, was schad war. 2006 fand ich des halt saudick, mit dem riese Zelt fum ASB, wo werklisch alle uff em Haufe warn.

Wonn mer des diesjohr widder genauso mache wolle denk ich net dassmers nochmol so hiegriehn. Ah wonn mer on e großes Zelt komme würde. Äfach aufgrund dessen, dass - schätz ich mol - viel Leit nimmie Geld fa irschendwas bezahle wolle, was schun bei ihrer Ankunft zerstört uffem Bodde leiht. Ich menn gut, e gescheites Zelt würd wohl denne Bedingunge wie letschjohr trotze, awwer naja.. ob mer nochmol so viel zommegriehn wo mit drufflehn is fraglich.

Es Dilemma iss jetzt halt, dass donn entwedder so schdigger 15 Leut sich e ohstännisches Zelt kaafe, wo donn awwer halt net so viel Platz drin iss. So wie ich die Sach inschätz wern sich die meischde onnre denke "och, die honn jo e großes Zelt, brauch ich mich selwer um nix zu kümmre", unn om schluss hogge widder paar drin wo nix bezahlt hon, unn fa Leut wo bezahlt hon iss kä Platz mehr. Des würd mich persönlich doch schun bissel schigge.
Awwer des wär sah ich mol es worst-case-scenario.

Ich persönlich würds definitiv begrüße, wonn mer uns äfach widder es ASB Zelt lähne kennde, weje mir ah geje bissel Bares odder so, unn halt donn on de Inneseit on de Stonge Mülltutte feschdmache. No geht ma halt ämol om Dah doisch unn schmeisst paar Flasche un Bixe nin. Ferdisch. Odder ma peffert denne kees halt direkt in die Tut, unn net vor / hinner / näwer sich uff de Bodde.
De Kölschmax unn de Helwer versteh ich in dere Beziehung nämlich durchaus muss ich sah. Awwer ich schätz mol, dass Müll in e Tut zu schmeisse noch jeder hiegrieht. Hatte mer letschjohr jo ah vor.. nur hats halt net so funktioniert, da mer kä taugliche Stange hatte fa e Mülltutt drohsebinne.

Naja. Lange rede kurzer Sinn: Ich bin debai wonn mer e großes Zelt fit mache.

Dem ist nichts hinzuzufügen.
Bin wie ah 2006 un 2007 widda debei beim drufflehe. Un des mit dem Müll is werklich so leicht zu handle, des werre ma doch wohl alle hiekriehe. Do muss ich im MC echt recht gewwe. Nur wenn enner demit ohfongt de Müll uf de Bode zu schmeiße dann eskaliert des meischdens weil die onnre sich donn denke: "Subba, wenn der des macht donn konn ich des ah." Des is halt leider falsch. Aber ich denk doch, dass die Leit, die diesjohr widda debei sin, alle so vernünftisch sin un des halt net mache. Zumal ma des jo jetzt vorher besproch hon. Des mit dem ASB Zelt is echt subba. Des war 2006 schun sau gut. Wenn donn nur e bissl wenischer Müll gewes wär hätte mas do drunner halt eh paar dah länger aushalte kenne.

Mo was onnres, mich würd gern mo interessiere wer jetzt noch kä kaad hat, vun denne leit die die letschte johre debei warn?!

Also ich bin a uff jeden Fall debei wenns drum geht fa e gescheides Zelt druffselehe. Mir ging die ganz Em-Scheiß-Norenne-Aktion letschd johr a ziemlich uff de Wecker. Vor allem würd des wohl a em Zammegehörischkeitgefühl gut due. Im schlimmschde Notfall hab ich a kä Problem demit während meum Gute-Morgen-Bier a noch e paar Iwableibsel fun de letschd Nacht in e Müllbehälter zu befördre. Nur solls dann bitte net so aussiehn, dass 3 Hansels em Dreck norenne während annre demit beschäftigt sinn de Müllhaufe noch höher se schichte. Awa generell unnerstell ich jetzt äfach mol jedem es nödische Eigenverantwortungsgefühl dasses net dozu kommt.
Also denk ich dass e großes, drucknes, net vom Winde verwehtes Zelt (am beschde ASB-Zelt) doch machbar sinn sollt...

Jo. So siehts aus. Die 10min ufrohme werd ma ufbringe kenne. Bin gonz doina Meinung!

OMG Müllbeseidischung uff wacken?
Die äfachschd lösung is net mill insommle sondern zelt alle 2 da um 5 meder verschiebe.
so griehe ma a bstimmt noch e pokal fa de versaudeschde platz.

na awa spass bei seit.

Also ich hab alle in moiner ICQ lischd un in jedem forum odda uff jeder internetseit DES FORUM gepostet un a jedem gsa er solls weidersahe.
des war vor 1nehalb monat sowas. unn es honn 25 leit mitgrieht.
des kännde sicherlich schun mehr sinn.

Zum thema zu frieh plane:
Wonn wollenan ohfonge se plane?
1 da vorher odda 2?
ich denk allä schun die tatsach wie long ma fa die insommelaktion "geld fa buss" gebraucht honn saht mir zumindeschd je frieher desto besser.

zusätzlich komme a erschd gscheit no dem zelt suche womma es geld schun hat.
ich sa do nur 3 2 1 wad mo noch ich habs geld noch net gonz

die chance das ma 5 da vorher noch on e 10 uff 15 odda 20m zelt komme brauch ich glab kemm vorzurechne.
Es ASB-Zelt ded jo a schun longe obwohl ich denk falls ma so viel werrn wie ledschdjoar kennt des a schun eng werre.

Ich muss im MC reschd gewwe die Diskusion kommt immer widda uff.

Wer net bezahlt hat bleibt draus gebbt nur stunk a wonns rein technisch gsie so gemach werre missd.
ich bin a nimmond der donn saht ei mir honn uns jetzt um e 50monn zelt gekümmert 20 sitze drin un du hasch nix bezahlt also stell dich in die piss wode hie gehersch.

des transportprobläm homma sowohl beim abhole als a beim nufffahre.
des homma awa a jedes joar. ich biet mich do widda o tetris zu spiele. un
fas zelt missde ma halt no emme hänger odda emme buss gugge wo des ninbassd.

mir griens alle joar hie das ma alle leit nuffgriehn do werd des zelt a noch irgendwo unnerkomme un wonn jeder nur 1 däl mitnemmt.

Was mich noch fuchst is das bis jetzt 18 leit sicher mitfahren awa sich net on dere umfrach beteilische. net mo um es zelt abzulähne. ohgemeld sin all außer die 2 hinnerwäldler

zumindeschd aktiv kennt sich jeder om forum beteilische.
ich fin des halt äfach scheiße das no faschd 2 monat ich ma onscheunend sagge viel awweit gemach hab fa e net gereschdferdischder erfolg zumindeschd was wacken ohgeht.
Die Konzerte un die onnre festivals sin jo kä so e mir gehn all hie aktion.

Da ich mich jetzt besser fühl weil ich mich mo widda ausgekotzt hab
ded ich sahe erinnern alle nochmo an des forum mit der bitte doch sich se beteilische weils uns all äfach viel bringt.

Ich fin des forum a e subba idee schunsch hedd ich ma die awweit a net gemach.
Ich bin a gern dezu bereit fa diesjoar e großdäl vun de plonung se iwwanemme. enner musses jo mache. nur ich brauch dezu unnerstüzung un a mitawweit aller beteilischde.

Des mit de millbritte eehhh milltischd oda Warens die milltepps? sowas dirft fa klenner e probläm sin seu scheiß glei dort nin zu werfe. ich werr diesjoar mit gudem beispiel voro gehe un jeder folle millsack zui de nochbre werfe un wonn kenni mehr do sin werd halt jedi biggs so niwwageworf. de jochen fülle ma ab un stelle ne an die platzgrenz damit der se bounce konn.

Manitu hat gesprochen

Zitat :

ich werr diesjoar mit gudem beispiel voro gehe un jeder folle millsack zui de nochbre werfe un wonn kenni mehr do sin werd halt jedi biggs so niwwageworf. de jochen fülle ma ab un stelle ne an die platzgrenz damit der se bounce konn.

fin ich ich schummo e wohnsinns plon !

Zitat :

Wonn wollenan ohfonge se plane?
1 da vorher odda 2?

hab dodemit jo net gemännt dass ich net so frieh plone will odda mir net so frieh plone solle, sondern dass die leit wo sich do net beteiliche anscheinend kä bock han so frieh osefonge aus de besagte gründe. do geb ich da schun recht dass ma, vor allem des mim zelt, so frieh wie meglich plone misse.

Zitat :

Wer net bezahlt hat bleibt draus gebbt nur stunk a wonns rein technisch gsie so gemach werre missd.
ich bin a nimmond der donn saht ei mir honn uns jetzt um e 50monn zelt gekümmert 20 sitze drin un du hasch nix bezahlt also stell dich in die piss wode hie gehersch.

is jo klar, ich ded mich dodriwwa a net uffreche, ich bin eh schdragg, awwa ich komma vorstelle dass sich leit do driwwa uffreche würde un des kennt ich verstehe.

Zitat :

fas zelt missde ma halt no emme hänger odda emme buss gugge wo des ninbassd.

do kennt ich evtl. unser hänger anbiete, will jetzt awwa nix verspreche muss des zuersch mol mim big salle abkläre. ich sa so schnell wies geht bescheid.

Jo salle froh mo nohm Hänger allerdings is dodezu noch e audo mit ohhängerkupplung notwendisch un e fahrer der des uff sich nemmt.

ich hab mit denne 1 -2 da net dich direkt ohgeschbroch sondern alle die sich net beteilische.

ja der plon middem jochen do hab ich mich selbscdh iwwadroff muss ich mir do zugestehe

Ich verstehs ah ned warum die leit die do im Forum angemeld sin, net abstimme kenne. Schwer isses jo ned.

Wo ma grad defu redde, ich hab im Falko nochmo de Link geschickt, un der mennt er wär angemeld aber kennd nix schreibe. Was ich absolut net versteh.... Weil ich sieh ne net bei de Mitglieder...

Ich hab denne Link wie gsa, so oft verschickt wies möglich is, aber eigentlich niemand geht rischtisch druff in. Vorgeschan hab ich ne jemand geschickt un denne jenische praktisch gezwung sich dort anzumelde. Dann is nur komm. "Jaja, ich meld mich mo oh." Un des is immer noch net bassiert. Wie im Forum schun eh paar mol erwähnt wor is: Die Leit hon äfach null Bock, weil se denke, ach, die onnre plone un gut is. Aber es geht bei denne sowieso widda so aus dasse korz vor Wacken komme un anfange zu meckre. "Mir han noch gar kä Platz", "Warum hanna nix gsad" ,etc. Un da mir kä Arschlöcher sin wolle ma denne noch helfe, un mache uns demit donn noch unnedischer Stress. So, jetzt awwa genuch beschwert, ich versuchs weida die Leit dezu zu bringe. Un ich will ah sau gern mitplone un würd de Deisi ah gern unnastütze. Weil des is jo de eigentliche Grund für des Forum.

ich bin fa jedi unnerstüzung donkbar
zum beispiel machena jo schun die konzerte selbschd. des wär echt viel zu viel awweit fa 1 person.
awa was wacken ohgeht brauch ich a unnerstüzung.
zum beispiel es geld intreiwe ich kenn jo a net alle leit un suche no emme zelt un die leit motiviere fas forum des würd jo schun longe

Des is absolut kä Ding un do steh ich uf jede Fall hinnedroh.
btw ich hab mo de kelm zum abstimme ufgestiftet, mo gugge ob do glei e 12 steht.

So ein Manschaftszelt ist ja echt was geiles.

Frieh ohfonge muss bei sowas äfach sinn. Letschjohr hab ich des im Mai ohgestoß.. do hon ah schun paar gsah gehat "Jo aller, warum so frieh?", awwer selbschd die drei Monat ware net genuch.. Also basst des schun.

Allerdings fählt mir mittlerweile äfach die Motivation mich in sowas groß rinzuhänge, weil ich des schun so oft gemach hab (Wacken jedes Johr, die WGA Parties, etc), unn ich mer eigentlich immer nur Stress desweje gemach hab.

Ich helf zwar gern noch mit, awwer de große Organisator wo sich uff alles druffsterzt wasser sieht mach ich nimmie. Obwohl ichs eigentlich ah zeitweis recht gern gemach hab, als allmächtiger Fädenzieher zu agiere.

Richtisch. Je frieher ma plont, desto wenischa stress macht ma sich speda. Wenn jeda mithelfe duht/deht donn würde ma des schun schnell iwwa die bühn bringe kenne. wär doch alles kä sach. un mir missde uns korz vorher de stress net mache oder panik kriehe weils droht alles in die hose zu gehe. Aber es gäbbd halt leid die wolle des anscheinend äfach so. Die hats 06,07 gäbb un die werds diesjohr ah widda gäbbe. Schade, dass ma donn durch sowas ah die leit verliere, die sich voll ins zeisch geleht hon, un des alles soweit organisiert hon. Is nämlich donn verständlich das die beim negschde mo donn halt kä bock mehr druff hon.

jo ich erklär mich uff jede fall a bereit do was zu mache

Die Problematik iss net des gonze mit nur 3-4 Leit zu organisiere. Des longt. Onsunschde steht ma sich nur in de Fieß rum.

Es ohstrengende on dere Geschicht iss nur - wie ma do schun widder siehe konn - dass ma doch schun hinnedroh bleiwe muss, um werklich fun ALLE Leit entsprechende Informatione zu griehe, da viel äfach net soweit denke.
Wonn ma plone will, brauch ma Informatione fun alle. Wonn die Informatione net komme werds stressisch. Unn des iss immer so.

Jo. Des merkt ma halt. Ma sieht jo widda das ma jetzt absolut kä plon hon weil ma ned wisse wer jetzt SICHER mitfahrt un wer net. Un ob die leit mit druflehn oder net. Weil sich faschd niemand mo zu Wort melde duht. Des suckt werklich.

also da ich jo letschdjohr noch bis mitte in die nacht vorher mim jochen unn em steffen rumgeplant hab is fa mich a kä ding do no kräfte mitsehelfe. vorraussetzung is halt dasses a was se plane gebt...
so wies aussieht werd do awa in negschder zeit net viel rumkomme, do bringt a alles driwa ärgre nix.

würd deshalb sahn dass ma jetzt mol noch versuche bissel werbung fa die sach se mache. unn wenn sich bis negschde monat odda so net mehr dud fange ma äfach an fa uns se plane.
ich bin jo a gern bereit fa annre mitseplane unn so, awa ich hab halt a kä bock planlos do se hocke, nur weil ma als uff leid warten die anscheinend net in die gänge komme wolle. weil am gude end sitz ich liewa mit eich 5 hansels in em druckne klänne zelt wie mit alle im große matsch. naja, jedenfalls wärs schä die option se hann...

wie siehn ihr die sach?