Ohänger / Ohlach / Aggregat

Jo. Wie mer schun im onner thread gsah hon wärs wohl nedisch, dassmer diesjohr evtl mit Ohänger on de Start gehn. Mir wern onnersch definitiv Platzprobläme griehe, weil mer recht viel mitnemme misse / wolle, unn de Diescho nimmie de ultimative Pickup hat. Der war halt nice.

Desweiteren wärs saudick wonn mer net nur e großes Zelt hedde, sondern ah e Ohlach mit Aggregat fa Musik.

Also:

Wer hat e Ohänger, bzw wär gewillt des uff sich zu nemme mit em Ohänger hinnedroh zu fahre?

Wer konn e Ohlach / Boxe zur Verfügung stelle? Bzw e Aggregat fa des gonze zu betreiwe?
Wär die Ohlach MP3 fähisch, odder missde mer normale Audio CDs brenne?

Fragen über Fragen.


/discuss

Mit Boxe un Ohlach konn ich leider net diene. Aber dodefor kümmer ich mich um e Ohhänger. Mei Vadda krieht desöfteren enna vun soim arbeits/fußballkollesch gesponsort. Ich froh ne glei mo heit omd ob des geht.
Denne dürf ma donn halt nur net owwe vergesse

Coolie Sach.

Ich glab allerdings, dass es Hauptprobläm net es beschaffe fun Ohänger sin werd, sondern Leit zu finne die sich bereit erkläre mit Ohänger zu fahre. Ich z.B. wollt des net werklisch, weil ich des noch nie gemach hab..

Jo. Un donn muss doi Auto soweit ich wäs ah uf Anhänger angemeld sin. Ich wäs net, bei wem des in unserer Grupp so is.

Un des mim fahre is halt werklich so eh sach. Das des net jeder gern mach is verständlich. Wenn was bassiert (un des derf ma bei sowas nie ausschließe) is derjenische am arsch.
1 knappi Stun Fahrt müsst ma ah noch dezu rechne, weil mit em Ohänger am Auto zu heize is nix. Aber des is jo jedem klar.

ja mo so ä oneri Idee als des mim Hänger!
Da ich jo in de ledschde 2 Johr ich mir immer ä Bus gemiet hab mit ä Haufe Leut! Un vun dene jo ä Großteil diesjohr net mitfahrt bzw evtl. schun wo onerschd uner is. Un de Kubbi un ich noch kä Plan hon wie ma nuf komme!
Würd ich jetz mo dene vorschlag mache das ich wida äna miet bloß ohne Sitzplätz sonder mit Ladefläch! Ich würd do evtl ä günstiger griehe! Mist des nochmo genau abkläre wieviel des koschd! donn würden warscheins de Kubbi un ich bzw noch ä 3 person ä großteil bezahle! un de reschd könnte ma jo don evtl aufteile. Quasi die Grund Idee vun ledsch johr!

Des is e feini sach. Wär nadirlich noch bessa als e Ohänger.
Fahrt de Kubbi noch mit ufs Eisenwahn?

wie gsat, mim ohänger muss ich noch froe. awwa die boxe gehn klar denk ich

jo ale des wär subba wonnde sowas billisch griehe würdsch.
wonn net ded ich mich als fahrer vum hänger bereitstelle. er derf nur net so groß sin. also e normaler klänner hänger geht denne konn un derf ich fahre.

wonn alle strigge reise kennnt ich a noch es auto vum großmeischder deisroth mol ohfrohe. do homme donn absolut kä platzprobläme mehr. ladefläsch + hänger un 5 leit wo ninbasse.
nur die maximalgeeschwindischkeit leit bei 90 - 100 also 10 stunn fahrt muss ma mitinrechne un ich wäs net ob der ma uff denne 1700 kilomeder net verreggt.

moi audo selbschd hat kä ohhängerkupplung schunsch ded ich des nemme.
falls ich jetzt awa moiner verkaaf grie un ma e neier hol hat der enni.

Ich glab mich zu erinnre, dass de Knauber letschjohr schun gesah hat, dasser wohl e Ohänger zur Verfügung stelle konn unn denne ah on soi Audo mache würd. Awwer ich klär des nochmol.

No wäre mer schun bei 2. Top.

also ich muss eich enttäusche des mim ohänger geht net sry!